Sereńko 15:5 - সান্তালী বাইবেল

⁵ Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Sereńko 15:5 Referans Kwoze

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Exodus 22:25

“Ińren jãhãe reṅgecʼ hoṛ ṭaka dharem emae enḍekhan mahajonko leka uni ṭhen khon sud alom hataotaea.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 18:8

ar sudte ṭaka bae emako, behokakʼ khon acʼakʼ tiye akoṭetʼtae ar hoṛko talare hok reakʼe bicạretʼkan,

Johan 13:17

Noako baḍaekate onako lekape kạmile khan enḍekhan ape dope bhạgangea.

Kạhtukko 12:3

Bedhoromakʼte jãhãe hoṛakʼ jionrege kajaktetʼ do baṅ tahena, menkhan Isor botorae hoṛakʼ jion reakʼ rehetʼ do kajak tahena.

Sereńko 112:6

Uni do sanam ghạṛicʼ teṅgo ṭak akane tahena; ar Isor bhokti hoṛ do jaejug hạbicʼe disạ dohoyea.

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Sereńko 55:22

Amakʼ sanam bojha do Probhu Isorge ladeaeme, unige am doe bondobosama; ar acʼ botoraeko do tis hõ bae ṭasak ocokoa.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Jeheskel 18:27

Menkhan mitʼṭen dusṭạmi hoṛ acʼakʼ dusṭạmi khon ruạṛkate hok ar dhorom reakʼe kạmi, uni do acʼakʼ jiwiye bańcaotaea.

Jeheskel 18:17

ar reṅgecʼ orecʼko bae santaoetʼko ar jãhãn sudge bae hataoetʼ, menkhan ińakʼ ạn-ạriko lekae calakʼkan ar ińakʼ niạmkoe manaoetʼ, enḍekhan uni do apattetʼakʼ kại iạte bae gujukʼa; bickom khạṭigeye bańcaokʼa.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Exodus 22:24

Unre ińakʼ edre do jalajalaokʼa ar ape do lạṛhạirepe gujukʼa. Onate aperen bạhu doko rạnḍikʼtapea ar gidrạ doko ṭũạrokʼa.

Dosar Biboron 23:21

“Aperen Probhu Isor ṭhen jãhãnakʼge manot lạgitʼpe dohoy enḍekhan ona purạu lạgitʼ do alope biloma, ente aperen Probhu Isor do tishõ ona khon bae khalaspea. Ar onate ape do kạirepe paṛaokʼa.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Kạhtukko 10:30

Isor botorae hoṛko do jao okte diṛho akanko tahena menkhan bedhorom hoṛko do disạmre bako girobas daṛeakʼa.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.