Sereńko 15:2 - সান্তালী বাইবেল

² Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

Sereńko 15:2 Referans Kwoze

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Kolossiko lạgitʼ Pạul Apostolakʼ ciṭhi 3:9

Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Mikạ 2:7

E Jakob bõsrenko, apeakʼ noa katha roṛ do baṅ ganokʼa, “Probhu Isorren Jiu do bae ạṛis akana; ar uni do noako kạmi bae kạmiya.” Probhu Isore meneda, “Okoe dhorom horteye calakʼ eken onko cetanrege ińakʼ katha do bhạlạiye ạguiya.

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriyakʼtetʼ tulucʼ onkoakʼ kạmi reakʼ jãhãn jurige bạń ńelletʼte sanamko samaṅre Kephas iń metadea, “Am do Jihudi hoykate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

Romiko lạgitʼ Pạul Apostolakʼ ciṭhi 2:10

Menkhan bhageakʼ kạmikanko do ṭhonok, man ar sulukko hameṭ joṅa. Pạhilre Jihudiko ar ona tayom do boṅgan hoṛ jạtrenkoge.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

1 Johan 2:29

Baḍaegeape, uni doe dhoromgea, ar noa hõ baḍae dohokakʼpe, okoe dhorom kạmire apnarte lạgiyạ paṛao akanko tahen, onko do Isor khongeko janam akana.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!