Sereńko 149:6 - সান্তালী বাইবেল

⁶ Onkoakʼ mocare Isorakʼ sarhao sereń baṛe tahenma ar tire do banar secʼ dharanakʼ tarwaṛege,

Sereńko 149:6 Referans Kwoze

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Sereńko 66:17

Iń do ińakʼ mocateń hohoade tahẽkana; ińakʼ mocare do uniyakʼ sarhao tahẽkana.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Luk 2:14

“Sermare Isorakʼ ṭhonok dhạrtire suluk, manwakore kusi.”

Sereńko 115:7

Ti menakʼ takogea menkhan bako joṭetʼ daṛeakʼa, jaṅga menakʼtakogea menkhan bako taṛam daṛeakʼa. Alaṅ menakʼgea menkhan roṛ hõ baṅ oḍokokʼtakoa.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Bikʼcạrko 3:16

Uni do banar secʼ dharanakʼ mitʼ moka jeleń mitʼṭecʼ chorae benao ocokeda ar acʼakʼ kicricʼ latarre jojomsa bulureye bedhaoana.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.