Sereńko 148:14 - সান্তালী বাইবেল

¹⁴ Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

Sereńko 148:14 Referans Kwoze

Sereńko 75:10

Iń do bedhoromkoakʼ sanam dereńkoń makʼ giḍikakʼa, menkhan Isor botoraekoakʼ dereń doń usul ocoya.

Ephesiko lạgitʼ Pạul Apostolakʼ ciṭhi 2:17

Ape okoe sạṅgińrepe tahẽkan ar onko okoe do sorreko tahẽkan, jotoko ṭhenge uni do hecʼkate suluk reakʼ bhage sombate porcarleda.

Dosar Biboron 4:7

Nonkan ar okoe maraṅ jạtren menakʼkoa one onkoren Isor do ako ṭhenko tahenkan, cetʼleka aboren Probhu Isor bon hohowaere sorreye ńamokʼkan?

1 Samuel 2:1

Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Ephesiko lạgitʼ Pạul Apostolakʼ ciṭhi 2:13

Mitʼ jokhecʼ ape do sạṅgińrepe tahẽkana, menkhan Mạsi Jisurepe kolom mitʼakante ńitokʼ do uniyakʼ mãyãm ṭhenpe ạgu ocoakana.

Sereńko 149:9

ar onko upạrte bicạrre oka ray ol akan ona kạmireko lagao daṛeakʼ. Ar noako jotowakʼ do uniren sanam bhoktokoakʼ mạhima kana. Probhu Isorakʼge sarhao hoyokʼtae ma.

Ephesiko lạgitʼ Pạul Apostolakʼ ciṭhi 2:19

Onate bin opromko dope baṅkana, ar bedisiạko hõpe baṅkana; menkhan Isorren hoṛkoakʼ oka ạidạri menakʼ ape hõ onko sãote ona ạidạripe ńam akada ar Isor gharońjrenpe hoyakana.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Sereńko 145:10

E Probhu Isor, am okam sirjạu akatʼ onako do amgeye sarhaomea; ar am botoram kanko do amko gun manao joharama.

Sereńko 92:10

Bir sanḍakʼ usul dereń leka am do ińakʼ bohokʼem usul akatʼtińạ; ar rạskạ salakʼ nãwã sunumte ińem ojokʼ akadińạ.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.