Sereńko 147:6 - সান্তালী বাইবেল

⁶ Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Sereńko 147:6 Referans Kwoze

Sereńko 25:9

Uni do nindhạnko dhorom horteye idikoa ar acʼakʼ hor reaṅe cetʼakoa.

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 145:14

Okoeko ńurokʼkan Probhu Isor do onkoe sapʼ sambṛaoetʼkoa; ar okoeko laḍe akan onko doe sojheyetʼkoa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.