Sereńko 147:2 - সান্তালী বাইবেল

² Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Sereńko 147:2 Referans Kwoze

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Jeheskel 38:8

Ḍher bochor tayom am do lạṛhại lạgitʼem hoho ocokʼa. Unre am do nonkan mitʼṭecʼ disạm cetanre jhãpem ema okaṭakʼ disạm do lạṛhại khon rehaye ńamakatʼ, one onaren hoṛko do ḍher jạtrenko tala khon Israel reakʼ burureko jarwa akan. Ona disạm do ḍher din khon ujạṛakʼ tahẽkana, menkhan am do jhãp ạurim emrege uniren hoṛko do eṭakʼ eṭakʼ jạtrenko tala khonko oḍok ạgu ocokʼa, ar unre onko do jotoge khạtirjomako tahena.

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Nehemiạ 7:4

Nonkage bebosta hoyena, ente Jerusalem nagraha do ạḍi maraṅ ar ḍher jaegakowante tahẽkana, menkhan hoṛko do thoṛageko tahẽkana ar oṛakʼ-duạrko hõ unhạbicʼ do baṅ benao akan tahẽkana.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Nehemiạ 6:15

Elul cando reakʼ bargel mõṛẽ tạrik reakʼ, mõṛẽgel dosar din hilokʼre pạcri do benao sạtena.

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Mikạ 4:6

Probhu Isore meneda, “Enhilokʼ iń do leḍhakoń jarwakoa; ar okoe bondikate eṭakʼ disạmteko idi ocoakan, ar okoeyiń duk ocoakatʼko onko do mitʼ ṭheniń jarwa mitʼkoa.

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.