Sereńko 147:19 - সান্তালী বাইবেল

¹⁹ Uni do Jakob ṭhen acʼakʼ kathae sodor akada, ar Israelko ṭhen hõ acʼakʼ ạn ạrikoe doho akada.

Sereńko 147:19 Referans Kwoze

Malaki 4:4

“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Sereńko 78:5

Uni do Jakob bõsrenko cetanre acʼakʼ hukume teṅgokeda, Israel jạtrenko lạgitʼ uniyakʼ ạn ạrikoe bandhaokeda; ona ạn ạriko akoren gidrạko cetʼako lạgitʼ uni do aboren hapṛamkoe hukumatʼko tahẽkana,

Dosar Biboron 5:31

menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

Sereńko 103:7

Cetʼ monsubạte cetʼe cekaea ona do Moseye baḍae ocoakadea; acʼakʼ kạmi do Israelkoe ńel ocoakatʼkoa.

Sereńko 76:1

Jihudạ rajosṭiren sanamkoge Isorakʼ kathako baḍaea; Israelkoakʼ rajosṭire uniyakʼ ńutum do maraṅokʼtaea.

Dosar Biboron 4:8

Nonkan ar okoe jạtren menakʼkoa one onkoakʼ niạm ar ạn-ạriko ape ṭhen teheń iń emakʼ niạm leka hokte perecʼge?

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Jeheskel 20:11

Onko do ińakʼ niạmkoń ematʼkoa ar ińakʼ ạn-ạrikoń baḍae ocoketʼkoa; ar okoe onae manaoa uni do ona hotetege jione ńama.

Hosea 8:12

Ińakʼ ạn-ạri reakʼ ḍher kathage onko lạgitʼ iń olleda, menkhan onko do bidisiạ hoṛkoakʼ jãhãnakʼ jinis menteko hudisleda.