Sereńko 147:14 - সান্তালী বাইবেল

¹⁴ Amakʼ simạnakore unige sạjạiye dohoyeda, ar joto khon bhage guhumteye tirpitetʼme kana.

Sereńko 147:14 Referans Kwoze

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Sereńko 132:15

Sion do aema jomakʼkoteń bhorakʼa; ar jomakʼkote onḍenko reṅgecʼ orecʼkoń bi ocokoa.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Sakariạ 9:8

Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.

Jesaea 66:12

Probhu Isore meneda, “Iń do uni secʼ gaḍa dakʼ leka bhạlạiyiń ạtu ocoya, ar boṅgan hoṛren jạtrenkoakʼ dhon-durib do uni ṭhen banbạsi leka ạtu hijukʼa. Ape do nonkan bale gidrạ lekape hoyokʼa ape dope nunuiya ar ḍanḍarepe heokokʼa ar hoborrepe cerecʼ ocokʼa.

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Jeheskel 27:17

Jihudạ ar Israel do am sãotekin bạnij beparetʼ tahẽkana; unkin do amakʼ jinis bodolte guhum, jomakʼ jinis, toa, sunum, ar jut so mosola kin emam kan tahẽkana.

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Jeheskel 16:13

Nonkate am do sona ar rupạtem saj ocoyena; amakʼ kicricʼko do mĩhĩ musnạ ar lumạṅ reakʼ likhon goṛhon kicricʼko tahẽkana. Amakʼ jomakʼ do mĩhĩ moeda, dumur rasa ar jạitun reakʼ sunumge tahẽkana. Am do ạḍitetʼem mońjena ar rạni hudạm ńamkeda.