Sereńko 146:6 - সান্তালী বাইবেল

⁶ Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 146:6 Referans Kwoze

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Kolossiko lạgitʼ Pạul Apostolakʼ ciṭhi 1:16

Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Genesis 1:1

Etohopʼre Isor do ot ar sermae sirjạukeda.

Sereńko 95:5

Jalapuri hõ uniyakʼ kangea, ente unige ona doe benao akada; ar ot hõ uniyakʼ titege benao akana.

Sereńko 89:2

Ińiń lại saḍea je, amakʼ dulạṛ reakʼ kạmi do jaejug hạbicʼ borket idikʼkana mente; ar amakʼ pạtiạrtetʼ do sermarem bạisạu akada.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Sereńko 117:2

ente abore Probhu Isorakʼ dulạṛ do asambheṛgea ar uniyakʼ pạtiạr do jaejug hạbicʼ tahẽnkana. Probhu Isorakʼge sarhao hoyokʼtae ma.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Johan 1:3

Sanamakʼge ona katha hotete sirjạu akana, ar oka sirjạu akan onako modre okaṭakʼ hõ uni begor do baṅ sirjạu akana.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Johan 10:34

Jisui menkeda, “Apeakʼ ạnre cetʼ baṅ olakana, ‘Ińiń menleda, ape do Isor kanape?’

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Sereńko 89:33

Menkhan ińakʼ asambheṛ dulạṛ do uni cetan khon bạń ocoga; ar ińakʼ pạtiạrtetʼ do bạń ạuṛiyakʼ ocoya.

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.