Sereńko 145:18 - সান্তালী বাইবেল

¹⁸ Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Sereńko 145:18 Referans Kwoze

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

Johan 4:24

Isor doe Jiu kana; ar okoe uniko sewawaekan, onko do Jiu ar sạriyakʼte sewawae lek takoa.”

Dosar Biboron 4:7

Nonkan ar okoe maraṅ jạtren menakʼkoa one onkoren Isor do ako ṭhenko tahenkan, cetʼleka aboren Probhu Isor bon hohowaere sorreye ńamokʼkan?

Jesaea 58:9

Ar unre iń ṭhenpe koe lekhan iń doń ańjomtapea; ar goṛo ńam lạgitʼpe hohoạń khan doń mena, ‘nonḍege minạńa.’ “Ape ṭhen khon julumakʼ arãṛ, kạṭupʼte udukʼakʼ ar hiskạte perecʼ kathape bạgiyakʼ khan,

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 119:151

Menkhan E Probhu Isor, am do sorre menama, ar amakʼ sanam hukumko do sạrigea.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Rak̕joṅ 3:57

Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”