Sereńko 145:13 - সান্তালী বাইবেল

¹³ Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Sereńko 145:13 Referans Kwoze

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

2 Patras 1:11

Noa iạte aboren Probhu ar babańcaoicʼ Jisu Mạsiyakʼ jaejug rajosṭire jid salakʼpe ataṅ ocokʼa.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Sereńko 146:10

Probhu Isor do jaejug hạbicʼe rajokʼa; E Sion, piṛhike piṛhi amren Isor doe rajokʼa. Probhu Isorakgeʼ sarhao hoyokʼtae ma.

Rak̕joṅ 5:19

E Probhu Isor, jaejug hạbicʼ rajokʼme; amakʼ siṅghạson do piṛhike piṛhi tahenkana.

Daniel 4:31

Uni do katha ạuriye mucạdrege serma khon okoe coṅe menkeda, “E Nebukadnesar raj, am dom men ocoakana je, amakʼ rajosṭi do am khon recʼ hatao akana.

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”