Sereńko 145:10 - সান্তালী বাইবেল

¹⁰ E Probhu Isor, am okam sirjạu akatʼ onako do amgeye sarhaomea; ar am botoram kanko do amko gun manao joharama.

Sereńko 145:10 Referans Kwoze

Sereńko 19:1

Sermako do Isorakʼ ṭhonokko lại sodoreda, ar serma do uniyakʼ ti reakʼ kạmikoe udukʼeda.

Sereńko 103:22

E Probhu Isorakʼ rajosṭi reakʼ sanam ṭhạ̃ire uniyakʼ sanam sirjonko, ape do uni sarhaoepe; E ińakʼ jiwi, Probhu Isor sarhao sereńae me.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Sereńko 97:12

E Isor sewawae kan hoṛko, Probhuge aperen rạskạwạnicʼe hoyokʼma. Ape ge uniyakʼ sonottetʼ sarhaotaepe.

Sereńko 68:26

Apeakʼ joto jarwakʼre Isor sarhaoepe; ape okoe dope Israel bõsren hoṛkan, ape do Probhu Isor sarhaoepe.

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Sereńko 30:4

E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

Sereńko 22:23

Ape okoe do Probhu Isorpe botorae kan ape do uni sarhaoepe. Jakobren bõsrenko, ape do uni manotepe. Israelren sanam bõsko, ape hõ uni botoraepe.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 57:9

E Probhu Isor, eṭakʼ eṭakʼ jạtrenko talare amiń sarhaomea, ar onko talare amiń õṛhẽ sereńama;

Sereńko 69:35

Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Sereńko 149:5

Noa manot ńamkate Isor botoraeko doko rạskạkʼma; onko do apan ạpin aṭetʼre rạskạteko sereńma.