Sereńko 145:1 - সান্তালী বাইবেল

¹ E ińren Isor, E raj, iń do amiń sereńama; iń do jaejugiń sarhaomea.

Sereńko 145:1 Referans Kwoze

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Sereńko 30:12

Jemon ińakʼ ontor hape alo tahentiń bickom am lạgitʼgeń sereń. E Probhu, ińren Isor, iń do jaejug amiń sarhaomea.

Sereńko 34:1

Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Sereńko 45:1

Ińakʼ ontor do bhage kathate cepel cepelokʼ kana; ar raj õnõṛhẽye lạgitʼ ińakʼ kobita do oḍokʼakana; ińakʼ alaṅ do cogoṛ olokʼicʼ akʼ kolom hoyakana.

Sereńko 44:4

E Isor, ińren raj do amge; Jakobakʼ jitạukʼ reakʼ do amgem bebosta akada.

Sereńko 30:1

E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Sereńko 145:21

Ińakʼ moca do Probhu Isorakʼgeye sarhao sereńa; ar sanam jiwiyanko do piṛhike piṛhi uniyakʼ sonottetʼko sarhaotaea.

Sereńko 100:1

E dhạrtiren sanam hoṛ, ape do Probhu Isor oṛhẽ sereńaepe.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Sereńko 52:9

Okaṭakʼem kạmikan onate iń do jaejug hạbicʼ iń sarhaomea; arem bhagete am botoramko samaṅre iń do am ńel horreń tahena.

Sereńko 5:2

E ińren raj, E ińren Isor, amakʼ goṛo lạgitʼ ińakʼ rakʼjoṅ ańjomtińme, ente am ṭhengeń koejoṅ kana.

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 30:2

E Probhu, ińren Isor, goṛowạń lạgitʼ iń hohowatʼmere am dom boge utạrkedińa.

Sereńko 75:9

Menkhan iń do jaejug Isor reaṅiń porcara ar Jakobren Isorakʼ iń sarhao sereńaea.

Sereńko 96:2

Probhu Isor ńutumte sereńpe, ar uni sarhaoepe; uniyakʼ bańcaokʼ din reakʼ katha porcarpe.

Sereńko 118:28

Amge ińren Isor do, iń do amgeń sarhaomea; amge ińren Isor do, amgeń gun manao joharama.

Sereńko 146:2

Iń do goṭa jionge Probhu Isoriń sarhaoea; tinạkʼ din jiwetʼ iń tahena unạkʼ din Isorgeń sarhao sereńaea.

Jesaea 38:20

Probhu Isor do ińe rukhiyạ akadińạ, onate aboakʼ goṭa jion reakʼ dinko Probhu Isorakʼ oṛakʼre taranakʼ bajna sãote bon sereńa.”