Sereńko 144:13 - সান্তালী বাইবেল

¹³ Aleakʼ murạiko do joto lekan jomakʼte perecʼ tahenma; ar aleren bhiḍiko do gupi ṭạnḍire hajar hajar ar lakh lakh hoponko janamko ma.

Sereńko 144:13 Referans Kwoze

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Dosar Biboron 28:8

“Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.

Dosar Biboron 28:4

“Ar bhorpe ńamte apeakʼ gharońjren hopon ar hoponerako hõ bhoranko hoyokʼa, ar apeakʼ khet baṛgere ḍher phosol hoyokʼtapea ar mĩhũ- merom ar bhiḍiko hõ ḍherko bạḍokʼtapea.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

Levitikus 26:10

Nãwã anaj dohoy lạgitʼ murạikoko khạliy jokhecʼ hõ laha bochor reakʼ anaj khonge apeakʼ jomakʼ do hoyokʼa.

Levitikus 26:5

Unre apeakʼ guhum enokʼ reakʼ din do darkha jo god hạbicʼ hoyokʼtapea ar darkha jo god do erokʼ din hạbicʼ hoyokʼtapea. Unre ape do lacʼ bikʼpe joma ar disạmre khạtirjomape tahena.