Sereńko 143:8 - সান্তালী বাইবেল

⁸ Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.

Sereńko 143:8 Referans Kwoze

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Sereńko 59:16

Menkhan iń do amakʼ daṛe reakʼ iń sereńa, ar setakʼre rạskạte amakʼ asambheṛ dulạṛ iạteń sereńa; ente am kangeam ińren aotan gaṛ, ar muhinren hirlạ.

Sereńko 143:10

Amakʼ sana leka kạmi lạgitʼ cetʼạńme, ente am dom ińren Isor kana; amren bhạlạiyicʼ Jiu hotete mitʼ são horre ạyurińme.

Sereńko 27:11

E Probhu Isor, amakʼ hor udukʼạńme baṛe; ar ińren bạiriko iạte amakʼ suṛucʼ horte ạyurińme.

Sereńko 90:14

Amakʼ nãwã dulạṛte baṛe tirpitlem, jemon rạskạtele sereń daṛeakʼ ar kusite jionle khemao daṛeakʼ.

Rak̕joṅ 3:41

Dela, aboakʼ mon ar ti do sermaren Isor secʼ rakapʼkate bon menma,

Sereńko 86:4

Amren golamakʼ monre rạskạ danạńme, ente E Probhu Isor, ińakʼ ontor do am secʼgeń rakapʼ akatʼtińạ.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Sereńko 5:8

E Probhu Isor, aema bạiri menakʼkotińte amakʼ dhorom horte ạyurińme; ar amakʼ hor sojhe kạtińme.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Bikʼcạrko 13:12

Manoho do uniye kulikedea, “Amakʼ kathako tinre purạukʼa unre gidrạ do cetʼlekan jione khemaoa ar uni do cetʼe kạmiya?”

1 Samuel 23:12

Unire Dạud do arhõe kuliyana, “Kayilaren hoṛ do cetʼ iń ar ińren hoṛko Sạulakʼ tireko soprotlea?” Probhu Isore menkeda, “Hẽ, soprotmegeako.”

Sereńko 25:20

Ińakʼ jiwi rukhiyạitińme ar bańcaoińme; ar lajaore alom paṛao ocoyińạ, ente iń do amregeń hirlạ akana.