Sereńko 140:6 - সান্তালী বাইবেল

⁶ E Probhu Isor, amiń metam kana, “Am kangeam ińren Isor do.” E Probhu Isor, ińakʼ nehõrjoṅ baṛe luturakʼme.

Sereńko 140:6 Referans Kwoze

Sereńko 31:14

Menkhan E Probhu Isor, iń do amregeń hirlạ akana; ariń meneda, “Am kangeam ińren Isor do.”

Sereńko 16:2

Iń do Probhu Isoriń menakawadea, “Am kangeam ińren kisạ̃ṛ do; am begor bhageakʼ do cetʼte hõ baṅ hoyokʼtińạ.”

Sereńko 142:5

E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

Sereńko 119:57

E Probhu Isor, am kangeam ińakʼ dhon do; iń do amakʼ katha leka calakʼ reakʼ iń kiriạkʼ kana.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Rak̕joṅ 3:24

Mon monteń mena, “Probhu Isor kangeae ińren sompotti, onate unirege asiń dohoytińa. ”

Sereńko 143:1

E Probhu Isor, ińakʼ koejoṅ ańjomtińme, ińakʼ nehõrjoṅ reakʼ rakʼ luturakʼtińme; amakʼ pạtiạrtetʼ ar amakʼ dhoromte roṛ ruạṛạńme.

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Sereńko 64:1

E Isor, ińakʼ ạrji ańjomtińme; ar bạirikoakʼ botor khon ińakʼ jiwi bańcaotińme.

Sereńko 57:7

E Isor, ińakʼ mon do ṭarhaoge menakʼa, bạń ḍikạḍake akana; iń doń sereńa, ariń õṛhẽmea.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.