Sereńko 139:21 - সান্তালী বাইবেল

²¹ E Probhu Isor, okoe do amko kurudam kan onko do cetʼ bạń kurudako kana? Ar okoe am upạrteko teṅgonkan onko do cetʼ bạń hirkhạwako kana?

Sereńko 139:21 Referans Kwoze

Sereńko 119:158

Bepạtiạrko ńelte iń doń hirkhạkʼ kana, ente onko do amakʼ katha leka bako calakʼ kana.

Sereńko 31:6

Okoe eṛe boṅgako ḍobokʼ akokan onko doń hirkhạwako kana; menkhan iń do Probhu Isorregeń bhorsakʼ kana.

Johan sodor 2:2

Iń do amakʼ kạmi, mehnot ar sobori doń baḍaegea. Baḍaegeạń am do bạṛicʼ hoṛko bam ńel sahao daṛeakoa, ar okoe apostolko baṅkanre hõ apnarte apostolko ńumugokʼkan onko dom biḍạu aṭkar akatʼkoa ar phạsiạra kanako mente hõm sạbud akatʼkoa.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Johan sodor 2:6

Menkhan mitʼṭecʼ gun menakʼtama ona do, Nikolạitiko okaṭakʼko cekayetʼkan ona dom hirkhạwakʼ kana, ar iń hõń hirkhạwakʼ kana.

Sereńko 26:5

Ar okoeko bạṛicʼakʼko kạmikan onko doń hirkhạwako kana; ar bedhorom hoṛko sãote hõ bạń duṛupʼ kana.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,