Sereńko 139:19 - সান্তালী বাইবেল

¹⁹ E Isor, ińakʼ khojogokʼ do bạṛicʼ hoṛko marao giḍikakome. E mãyãm joro ocoyetʼkan hoṛko, iń khon pharakokʼpe.

Sereńko 139:19 Referans Kwoze

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 119:115

Ape okoe do bạṛicʼakʼpe kạmikan, ape do iń khon men pharakokʼpe, jemon ińren Isorakʼ hukumkoń doho daṛeakʼ.

Sereńko 6:8

E bạṛicʼ kạmiyetʼkan hoṛko, ape sanamkoge iń ṭhen khon men ńirjoṅpe, ente Probhu Isor do ińakʼ rakʼe ańjom akatʼtińạ.

Sereńko 64:7

Menkhan Isor do onko cetanre sare aṛaga; ar onko do ackage sar bitʼakoa arko bhindạṛokʼa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Sereńko 94:23

Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Sereńko 9:18

Reṅgecʼ orecʼko do jaejug hạbicʼ bako hiṛińokʼa; ar nindhạnkoakʼ as do tishõ be as do baṅ tahena.