Sereńko 138:8 - সান্তালী বাইবেল

⁸ Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Sereńko 138:8 Referans Kwoze

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Sereńko 57:2

Iń do maraṅ Isoriń hohowaea; okoe do acʼakʼ sanam kathae rukhiyạ akatʼtae iń do unigeń hohowaea.

1 Thessalonikikko 5:24

Disạipe, okoeye hohoakawatʼpe uni doe pạtiạrgea; ar uni do khạṭigeye onkaea.

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Sereńko 136:1

Probhu Isor gun manao joharaepe, ente uni doe bhagegea; uniyakʼ dulạṛ do jaejuggetaea.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

1 Patras 4:19

Enḍekhan Isorakʼ monejoṅ lekate okoe dukko sahaoetʼkan, onko do akoren pạtiạricʼ sisirjạuicʼakʼ tire apnartetʼko jimạkʼma ar bhage kạmiko kạmi idima.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Jobakʼ 14:15

Unre amem hohoạńạ ariń goṅ ruạṛa; ar amakʼ titeakʼ kạmiyakʼ lạgitʼem uihạrińa.

Jobakʼ 10:8

“Amakʼ tikinge iń doe gaṛhao akadińạ, are benao akadińạ; ńitokʼ do cetʼ ruạṛ hecʼkatem marao giḍikạńạ?

Jobakʼ 10:3

Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Sereńko 57:3

Serma khon uniyakʼ goṛo do pheḍ hijukʼkana; okoe ińko laga baṛayediń kan onkoakʼ dos reakʼ katha roroṛ do bae thirokʼa. (Sela) Isor ṭhen khon unire asambheṛ dulạṛ ar pạtiạrtetʼ do pheḍ hijukʼa.