Sereńko 138:4 - সান্তালী বাইবেল

⁴ E Probhu Isor, amakʼ moca reakʼ katha ańjomkate dhạrtiren sanam rapajko do amko sarhaomea.

Sereńko 138:4 Referans Kwoze

Sereńko 102:15

Unre Probhu Isorakʼ ńutum ańjomkate eṭakʼ jạtrenko do botor hecʼakoa; ar amakʼ ṭhonok ńelte dhạrtiren sanam rajko hõ botor caṛhaoakoa.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Sereńko 22:22

Ińren boehako ṭhen do am reaṅgeń lại jạhira, ar kạlisiạ talare amiń gun manao joharama.

Johan sodor 21:24

sanam jạtrenko ona marsalreko dãṛãna. Dhạrtiren rapajko do akoakʼ ṭhonokante ona nagrahateko hijukʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Sereńko 51:13

Enḍekhan amakʼ hor reaṅ ghạghạṭkoń cetʼ daṛeakoa, ar kạkạiko do am secʼko ạcur ruạṛokʼa.

Sereńko 57:9

E Probhu Isor, eṭakʼ eṭakʼ jạtrenko talare amiń sarhaomea, ar onko talare amiń õṛhẽ sereńama;