Sereńko 138:2 - সান্তালী বাইবেল

² Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Sereńko 138:2 Referans Kwoze

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Sereńko 56:10

Isor, okoeyakʼ katha reakʼ iń sarhao sereńetʼkan, Probhu Isor, okoeyakʼ katha reakʼ iń gun manao joharetʼkan,

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Sereńko 28:2

Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Sereńko 56:4

Okoeyakʼ katha reakʼ iń sarhaoetʼkan, uni Isor cetanre, hẽ, uni Isor cetanrege iń doń bhorsa akana; Iń do bạń botorokʼa manwa do cetʼko cekayiń baṅ?

Sereńko 115:1

Aleakʼ do baṅ, E Probhu Isor, aleakʼ do baṅ, menkhan amakʼ sarhaoge baṛe hoyokʼma; amakʼ asambheṛ dulạṛ ar pạtiạr lạgitʼge hoyokʼma.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sereńko 99:9

Ona iạte aboren Probhu Isor baṛe sarhaoepe; uniyakʼ sonot buru samaṅre ḍobokʼaepe, ente aboren Probhu Isor doe sonotgea.

Sereńko 99:5

Aboren Probhu Isor sarhaoepe; uniyakʼ jaṅga lebedokʼ ṭhen ikhṛumokʼte ḍobokʼaepe; ente uni doe sonotgea.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

1 Rapajko 8:20

‘Probhu Isor do acʼakʼ gokʼakʼe purạu akada. Ińren ạpuń oka hudạreye tahẽkan iń do ona hudạgeń ńam akada. Probhu Isorakʼ gokʼakʼ lekate iń do Israelkoakʼ siṅghạsonreń duṛupʼ akana ar Israelren Probhu Isor lạgitʼ niạ oṛakʼ iń benao akada.

1 Rapajko 8:24

Amren guti ińren ạpuń Dạud ṭhen okam gokʼletʼ am do onam purạu akada. Ar mocate okam menletʼ kạmite hõ onam purạu akada, ar ona do ale hõle ńeletʼ kana.

Sereńko 5:8

E Probhu Isor, aema bạiri menakʼkotińte amakʼ dhorom horte ạyurińme; ar amakʼ hor sojhe kạtińme.