Sereńko 137:1 - সান্তালী বাইবেল

¹ Babel reakʼ gaḍa aṛere duṛupʼkate tinre ale do Sion reakʼ kathale disạyetʼ tahẽkana unre ale dole rakʼetʼ tahẽkana.

Sereńko 137:1 Referans Kwoze

Jeheskel 1:1

Pegel bochor reakʼ ponakʼ cando reakʼ mõṛẽakʼ dinre Kebar gaḍa aṛere bondi akan hoṛko talareń tahẽkanre iń samaṅre serma do jhicʼena ar Isorakʼ dorson iń ńelkeda.

Jeheskel 3:15

Bondi akan okoeko hoṛ do Kebar gaḍa ṭhenakʼ Tel-Abibreko tahẽkan onko ṭhen iń doń calaoena. Ar okareko tahẽkan onḍe onko talare iń do eae din hape akaniń tahẽyena.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Jeheskel 1:3

Babelrenkoakʼ disạmre Kebar gaḍa aṛere Busiren hopon Jeheskel ṭhen, metakʼme Probhu Isorakʼ katha do iń ṭhen sodorena. Ar onḍe Probhu Isorakʼ ti do iń cetanre tahẽkana.

Rak̕joṅ 3:48

Ińren hoṛ doko marao idikʼkana, onate ińakʼ mẽtʼdakʼ do gaḍa dakʼ leka ạtukʼ kantińạ.

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Jirimiạ 15:17

Okoe rạskạ ar hulạsate bubulakʼko ńũiyetʼkan onkoakʼ dolre do tishõ bạń duṛupʼlena, onko sãote tishõ bạń rạskạ mitʼlena; iń cetanre amakʼ ti tahẽkante eskargeń duṛupʼkan tahẽkana ar am do raṅgaotem perecʼ akadińa.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Nehemiạ 2:3

enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

Esra 8:31

Pạhil cando reakʼ gelbarakʼ dinre ale do Jerusalem calakʼ lạgitʼ Ahawa soḍokʼ ṭhen khonle mohnḍayena. Ar aleren Isorakʼ ti do ale cetanre tahẽkana ar uni do horre bạiri ar ḍạkukoakʼ ti khone rukhiyạketʼlea.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Daniel 9:3

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Rak̕joṅ 3:51

Ińakʼ nagraharen sanam maejiuko reaṅ okań ńeletʼkan, onate ińakʼ jiwi do ragokʼ kantińạ.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Jirimiạ 13:4

“Okaṭakʼ jhaṅga kirińkatem horokʼ akatʼ ona totʼkate ńitge phurạt gaḍa ṭhen senokʼme ar dhiri reakʼ ciritʼre oko oṭokakʼme.”

Jirimiạ 51:13

E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.