Sereńko 136:8 - সান্তালী বাইবেল

⁸ Uni do siń lạgitʼ siń candoe sirjạu akadea; ente uniyakʼ dulạṛ do jaejuggetaea.

Sereńko 136:8 Referans Kwoze

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Genesis 1:16

Isor do barea maraṅ marsale benaokeda. Onakin modre maraṅakʼ do siń cetanre ar huḍińakʼ do ńindạ cetanre rajokʼ lạgitʼe benaokeda. Ona chaḍa uni do ipilko hõe benaoketʼkoa.

Sereńko 74:16

Siń do amakʼge, hẽ ar ńindạ hõ amakʼge; siń cando, ńindạ cando ar ipilko hõ amgem ṭarhao ocoakatʼkoa.