Sereńko 135:6 - সান্তালী বাইবেল

⁶ Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Sereńko 135:6 Referans Kwoze

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Sereńko 33:11

Menkhan Probhu Isorakʼ goṭawakʼ do jaejug hạbicʼ tahena; uniyakʼ mon do jug cetan juge tahentaea.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Amos 9:6

Uni do sermare acʼakʼ usul oṛakʼe benao akada ar dhạrti cetanre chamḍa leka sermae aṭetʼ akada; uni do jalapuri reakʼ dakʼe hoho ạguiyetʼa ar otreye dul bubhạu ocoyeda. Ar okoe noakoe kạmikan uniyakʼ ńutum do Probhu Isorge.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Mathae 14:25

Ado maraṅ sim rakʼ okte Jisu do doreão cetan cetante taṛamate celako ṭhene hijukʼkan tahẽkana.

Jobakʼ 42:2

“Ińiń baḍaea am do jotowakʼgem daṛeakʼa; amakʼ jãhãn goṭawakʼge baṅ akoṭ akana.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”