Sereńko 135:11 - সান্তালী বাইবেল

¹¹ Uni do Amorikoren Sihon raj, ar Bashanren Og raj, ar Kananren sanam rapajkoe gocʼletʼkoa.

Sereńko 135:11 Referans Kwoze

Nehemiạ 9:22

“Tayomte ḍher rajosṭi ar jạtrenko do onkoakʼ tirem jimạketʼkoa, onkoakʼ sanam jaega jumiko Israel jạtrenkom hạṭińatʼkoa. Onko do Hesbonren raj Sihonakʼ disạm ar Basonren raj Ogakʼ disạmem ạidạriatʼkoa.

Dosar Biboron 29:7

“Ar noa ṭhạ̃irepe seṭeren tayom Hisbonren raj Sihon ar Basonren raj Og do abo sãote lạṛhại lạgitʼkin oḍok hecʼlena, menkhan unkin dobon bhagaoketʼkina.

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Josuạ 24:12

Iń do ape laha lahate ńele koń kolketʼkoa; ar ńele do ape samaṅ khon Amorikoren unkin rajko laga ńirketʼkinạ. Apeakʼ tarwaṛe se akʼ-sarte noape onka akada ona do baṅa.