Sereńko 134:1 - সান্তালী বাইবেল

¹ E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Sereńko 134:1 Referans Kwoze

Sereńko 120:1

Ińakʼ muhinre iń do Probhu Isoriń hohoadea, uni doe roṛ ruạṛạdińa.

1 Bõsbudạ 9:33

Liwi gusṭiren bõs mukhiyạko okoe do sereń durạṅreko tahẽkan onko do koejoṅ oṛakʼ reakʼ kandhareko tahẽnkan tahẽkana. Onko do sereń durạṅre siń nindạ bestoko tahenkan tahẽkante onko cetanre eṭakʼ jãhãn kạmi reakʼ bhar do baṅ tahẽkana.

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

2 Bõsbudạ 29:11

E ińren hoponko, ape do ńitokʼ ar alope duṛupʼ hapekokʼa, ente Probhu Isor samaṅre teṅgokʼ ar uniren sapʼ sosoricʼ lekate kạmi ar dhup jered lạgitʼ uni do apegeye bachao dohoakatʼpea.”

Sereńko 122:1

Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

Levitikus 8:35

Ar jemon alope gujukʼ onate teheń khon eae din hạbicʼ siń ńindạ ńapamokʼ tạmbu bhitrirepe tahena ar Probhu Isorakʼ khojakʼ lekape kạmiya. Ente iń do noa hukumgeń ńam akada.”

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Sereńko 121:1

Iń do buruko secʼ iń beṅgetʼ rakapʼeda; oka khon ińakʼ goṛo do hijukʼa?

Sereńko 132:1

E Probhu Isor, am do Dạudakʼ sanam kosṭo reakʼ katha disạime.

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.

Sereńko 130:6

Pahradarko cetʼleka aṅga marsalokʼ reakʼko koyokʼ horetʼ, hẽ, onko cetʼleka aṅga marsalokʼ lạgitʼko ńel horetʼkan, ona khon hõ ińakʼ ontor do Probhu Isor lạgitʼ koyokʼ horre menaea.

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Sereńko 128:1

Bhạgangeako onko do, okoe do Probhu Isorko botorae kan ar uniyakʼ horteko calakʼkan.

Sereńko 126:1

Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Sereńko 133:1

Ńelpe, tinạkʼ bhage ar juta boehako mitʼteko tahen do!

Sereńko 103:21

E Probhu Isor sewawaekan daṛean dolko okoe do uniyakʼ sana lekape calakʼkan, ape do uni sarhaoepe.

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Sereńko 124:1

Israelkoko menma, “Probhu Isor ale secʼ bae tahẽlen khan,

1 Bõsbudạ 9:23

Onko ar onko bõsren hoṛko do Probhu Isorakʼ oṛakʼ, metakʼme ḍera tạmbu reakʼ duạrko horhoyetʼ tahẽkana.

Johan sodor 7:15

Onate noko do Isorakʼ siṅghạson samaṅre menakʼkoa ar serma reakʼ mundilre siń ńindạ uniko sewawae kana. Okoe siṅghạsonreye duṛupʼ akan unige noko cetanreye chạunikʼa.

Sereńko 130:1

E Probhu Isor, khạndriyakʼko khoniń hohowam kana;

1 Bõsbudạ 9:27

Onko do Isorakʼ oṛakʼ aṛeregeko girobasokʼ kan tahẽkana, ente ona oṛakʼ rurukhiyạ reakʼ bhar do onko cetanrege tahẽkana, ar dinạm hilokʼ setakʼre onko do duạr hõ jhicʼetʼ tahẽkana.

2 Bõsbudạ 35:5

“Ape jạtren hoṛko, metakʼme Israel bõskoren mitʼke mitʼ hạṭińrenko lạgitʼ adom Liwiko do akoakʼ bõs lekate ona hạṭińren hoṛko soṅgete idikate sonot oṛakʼ reakʼ racare teṅgokʼpe.

Nehemiạ 12:9

Ar Bakbukia ar Uno do dewa sewa kạmi oktere onko samna sạmni kin teṅgokʼkan tahẽkana.

Sereńko 84:5

Bhạgangeako onko do okoe am ṭhen khon daṛeko ńam. Bhạgangeako onko do, okoeyakʼ ontorre Sion calakʼ reakʼ hudis menakʼtako.

Sereńko 113:1

Probhu Isorakʼ sarhao hoyokʼtae ma. E Probhu Isorren golamko, sarhao sereńpe; Probhu Isor sarhao sereńaepe.