Sereńko 133:2 - সান্তালী বাইবেল

² Ona do bohokʼre dulakatʼ damanakʼ sunum leka one oka do Aronakʼ goco secʼte joro pheḍokʼkan uniyakʼ kicricʼre.

Sereńko 133:2 Referans Kwoze

Levitikus 8:12

Ona tayom uni do ojokʼ bahalokʼ reakʼ thoṛa sunum hataokate Aronakʼ bohokʼreye dulkeda ar Probhu Isor ńutumteye ojokʼ bahalkedea.

Exodus 29:7

Ar ona tayom do ojokʼ bahale reakʼ sunum bohokʼrem dulaea arem ojokʼ bahalea.

Kạhtukko 27:9

Mahkaokʼ sunum ar dhup do monre rạskạ bujhạukʼa; onkage gateakʼ solha do gate ṭhen heṛemgea.

Exodus 39:24

Nil, beguni ar jeṅgetʼ arakʼ uńakʼ sutạmte dạlim jo benaokate noa kicricʼ latar reakʼ ḍombe beṛhaeteko dạsiyada.

Johan 12:3

Unre Mạriạm do adha liṭar ạḍi damanakʼ mahkaokʼ sunume ạgukeda ar Jisuakʼ jaṅgareye dulkeda ar acʼakʼ upʼteye jotʼketʼtaea. Ar ona mahkaokʼ sunum reakʼ mohokte goṭa oṛakʼ do perecʼena.

Soros sereń 1:3

Amakʼ sunum reakʼ mońj so doe rạskạ ocoyediń kana; dul akatʼ mońj so sunum lekage amakʼ ńutumtam do. Onatege am do kuṛikoko dulạṛetʼmea.

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

Exodus 28:33

Nil, beguni ar jeṅgetʼ arakʼ sutạmte ḍạlim jo benaokate noa aṅgrop latarre ḍombeko beṛhaetem ṭamkurkakʼa. Ar onako talare sona reakʼ ghạnṭikom lagao ocokoa.