Sereńko 132:6 - সান্তালী বাইবেল

⁶ Abo do Ephrata khon gokʼakʼ sinduk reakʼ bon ańjomleda, ar Jayerakʼ ṭạnḍirege ona bon ńamleda;

Sereńko 132:6 Referans Kwoze

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 7:1

Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Rut reakʼ kạhini 1:2

Uni hoṛakʼ ńutum do Elimek tahẽkana. Ar uniren bạhuakʼ ńutum do Naomi ar banar hoponkinakʼ ńutum do Mahlon ar Kilion. Onko do Jihudạ disạm reakʼ Bethlehemren Ephati hoṛko tahẽkana. Ar onko do Moab disạmte senkate onḍegeko tahẽyena.

Genesis 35:19

Ar Rahel do Ephrat, metakʼme Bethlehem calakʼ horreko topakadea.

2 Samuel 6:3

Isorakʼ ona sinduk onko do buru cetan reakʼ Abinadabakʼ oṛakʼ khonko oḍok ạguketʼte mitʼṭecʼ nãwã sagaṛreko dohokeda. Us ar Ahio ńutuman Abinadabren hoponkin do taṛam taṛamte ona nãwã sagaṛkin laga idiyetʼ tahẽkana.