Sereńko 132:2 - সান্তালী বাইবেল

² Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

Sereńko 132:2 Referans Kwoze

Genesis 49:24

Menkhan uniyakʼ akʼ do keṭecʼge tahẽkana ar uniyakʼ tikin reakʼ sopo hõ jojosakʼge, ente Jakobren Isorakʼ daṛeanakʼ ti do unire menakʼa. Ar uni tayomre do uni gukʼpiyicʼ menaea, Israel reakʼ ona dhirige.

Sereńko 65:1

E Isor, Sionre amakʼ sarhao do guṛumre hoyokʼkana; aleakʼ joto manotakʼ do am lạgitʼ purunokʼa.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Sereńko 132:5

ar tin hạbicʼ Probhu Isor lạgitʼ mitʼṭecʼ ṭhạ̃i bạń sendra ńam, Jakobren uni daṛeanicʼ Isor lạgitʼ mitʼṭecʼ tahen ṭhạ̃i bạń sendra ńam.”

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

Sereńko 56:12

E Isor, am ṭhen okaṭakʼ manotakʼ iń dohoakatʼ ona doń purạuama; ariń gun manao joharama;

Sereńko 50:1

Maraṅ daṛean Probhu Isor do, kathae roṛeda; purub khon pạchim hạbicʼ dhạrtiren sanamko uni doe hohoakatʼkoa.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

2 Samuel 7:1

Ona tayom raj do raj oṛakʼre tahene ehopʼena ar Probhu Isor do uni beṛhaeten bạirikoakʼ ti khone rukhiyạkedea.

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.