Sereńko 132:11 - সান্তালী বাইবেল

¹¹ Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Sereńko 132:11 Referans Kwoze

2 Samuel 7:12

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

2 Bõsbudạ 6:16

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda, uniren hoponko uni leka amakʼ ạn-ạri leka calakʼ reakʼko moneyakʼ khan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Luk 1:32

Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Sereńko 89:37

Serma reakʼ pạtiạr ńindạ cando lekage ona do jaejug lạgitʼ tear dohokʼa.” (Sela)

Sereńko 89:35

Ińakʼ sonot gokʼakʼte iń do mitʼ dhaogeń roṛ dohoakada iń do Dạud ṭhen tisge eṛe do bạń roṛa;

Sereńko 89:33

Menkhan ińakʼ asambheṛ dulạṛ do uni cetan khon bạń ocoga; ar ińakʼ pạtiạrtetʼ do bạń ạuṛiyakʼ ocoya.

1 Rapajko 8:25

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda uniren hoponko uni leka jotowakʼ kạmire amakʼ sana lekako calakʼ enḍekhan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

2 Samuel 7:16

Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

2 Samuel 7:14

Iń do uniren apatiń hoyokʼa ar uni do ińren hopone hoyokʼa. Ar uniye behok lekhan eṭakʼ hoṛ cetʼleka sạjạiko ńam uni hõ onkageń sạjạiyea.

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

2 Bõsbudạ 7:18

enḍekhan amakʼ raj siṅghạson do jaejug hạbicʼ iń ṭikạu dohoya, ente iń do amren ạpum Dạud ṭhen iń gokʼletʼ tahẽkana, ‘Israelko ḍanṭaoko lạgitʼ amakʼ bõsren hoṛkoakʼ okulạn do baṅ hoyokʼa.’

Sereńko 89:5

E Probhu Isor, serma reakʼ sanamakʼ do amakʼ maraṅ kạmi reakʼe oṛhẽ sereńetʼkana, sonot goḍetko talare amakʼ pạtiạrtetʼko sarhaoeda.