Sereńko 129:5 - সান্তালী বাইবেল

⁵ Okoe Sionko kurudakʼ kan onko doko lajao ocokʼma arko pạc ruạṛokʼma.

Sereńko 129:5 Referans Kwoze

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Sereńko 71:13

Iń upạrtenko do lajao arko maraokʼma; ar okoe muhinre paṛaoiń lạgitʼko kurumuṭukan onko do hirkhạ ar opomanteko danaṅ esedokʼ ma.

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Ester 6:13

Ar uni cetanre oka hoyen ona do acʼren bạhu Seres ar uniren sanam gatekoe lạiyatʼkoa. Hamanren bạhu Seres ar uniren sopolhako do uniko metadea, “Okoe samaṅre amakʼ niạ ńurokʼ ehopʼakan uni Mordekai do Jihudi bõsren hoṛkan khane enḍekhan uni upạrte am do ohom teṅgo daṛelena, ar khạṭigem marao utạrokʼa.”

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Jesaea 37:22

Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Ester 9:5

Ar Jihudiko do akoren bạiriko gogocʼko ehopʼena ar okoe onkoko hirkhạwako kan tahẽkan onko cetanre do akoakʼ kusi lekako kạmikeda.

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Sereńko 40:15

Ar okoe iń ńelteko men, “Besge hoyakana!” Onko do lajaokateko ruạṛ calakʼma.

Jesaea 29:8

Reṅgecʼ akade hoṛ kukmũte jom mae jojomkan, menkhan ebhenlenre ńelme, reṅgecʼma tahenkange. Ar tetaṅakade hoṛ kukmũte ńũ mae ńũńũkan, menkhan ebhenlenre ńelme, uni do nijor ar tetaṅedekangea. Onkage onkoakʼ hõ hoyokʼtakoa sanam gad gad boṅgan hoṛ jạtrenkoakʼ do, one okoe Sion buru upạrteko lạṛhạikan.