Sereńko 127:1 - সান্তালী বাইবেল

¹ Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Sereńko 127:1 Referans Kwoze

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

1 Korinthiko 3:7

Onate rohoeyicʼ hõ cele hoẽ baṅkana ar dakʼ emakʼicʼ hõ baṅ, menkhan okoeye hara ocoyetʼ uni do Isorge.

Sereńko 124:1

Israelkoko menma, “Probhu Isor ale secʼ bae tahẽlen khan,

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

Jirimiạ 51:12

Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

1 Korinthiko 15:14

ar Mạsi bae jiwetʼ beretʼ ocoakan khan aleakʼ porcar hõ ạuṛiyakʼ getalea ar apeakʼ biswạs hõ ạuṛiyakʼgea.

Sereńko 121:1

Iń do buruko secʼ iń beṅgetʼ rakapʼeda; oka khon ińakʼ goṛo do hijukʼa?

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

Sereńko 120:1

Ińakʼ muhinre iń do Probhu Isoriń hohoadea, uni doe roṛ ruạṛạdińa.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Sereńko 78:69

Onḍe uni do acʼakʼ sonot oṛakʼ usulgeye benaokeda, ona do serma ṭuṅgạu hạbicʼge tahẽkana; uni do dhạrti lekage onae benaokeda.

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Sereńko 126:1

Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

Sereńko 122:1

Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Galathiko lạgitʼ Pạul Apostolakʼ ciṭhi 4:11

Ape lạgitʼ noageń botorokʼ kana je, iń do ạuṛiyakʼge ape lạgitʼ iń khaṭao akan coṅ cetʼ coṅ.

Soros sereń 5:7

Nagraharen dãṛãnkan pahradarko do pahrae jokhecʼko ńamkedińa; onko do ińko dal ghạlkedińa; ar pạcrikoren pahradarko do oyon aṅgropko recʼkedińa.

Soros sereń 3:3

Nagraharen pahradarko do dãṛã dãṛãte pahrae jokhecʼ ińko ńel ńamkedińa. Iń do onkoń kuliketʼkoa, “Ape do cetʼ ińren dulạṛiạpe ńel akadea?”

Jirimiạ 51:31

Khoboricʼ do eṭakʼ khoboricʼ daram, goḍet do eṭakʼ goḍet dakʼrame calakʼ kana, Babelren raj ṭhen lại saḍe lạgitʼ, baṅma uniyakʼ goṭa nagraha do hatena,

Sereńko 72:1

E Isor, bicạr reakʼ okaṭakʼ ạidạri menakʼtam ona do nui rajge danaeme; nui raj hopon do amakʼ akelge emae me;

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Josuạ 2:2

Unre Jerikho nagraharen rajakʼ luturre seṭerena baṅma disạm cikʼyạ lạgitʼ Israelren bar hoṛ do ạyupʼ jokhecʼ nonḍe kin hecʼakana.

1 Rapajko 5:12

Probhu Isor do acʼakʼ gokʼakʼ leka Solomon ạkile emadea. Solomon ar Hiram talare do suluk tahẽkana ar unkin do mitʼṭecʼ bondoboskin bandhaoana.