Sereńko 126:5 - সান্তালী বাইবেল

⁵ Mẽtʼ dakʼ joro jorote okoe do itạko eretʼkan onko hõ hulạs salakʼko ira.

Sereńko 126:5 Referans Kwoze

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Mathae 5:4

Dukokʼ kogeko bhạgana, ente onko do jiwi raṛecʼko ńama.

Sereńko 137:1

Babel reakʼ gaḍa aṛere duṛupʼkate tinre ale do Sion reakʼ kathale disạyetʼ tahẽkana unre ale dole rakʼetʼ tahẽkana.

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”