Sereńko 125:2 - সান্তালী বাইবেল

² Jerusalem beṛhaete cetʼleka burute esetʼ ạcurge onkage Probhu Isor do acʼren hoṛkoe esetʼ ạcur akatʼkoa, ar ńitokʼ hõe dohoyetʼkoa ar jaejug hạbicʼ hõe dohokoa.

Sereńko 125:2 Referans Kwoze

Sakariạ 2:5

Probhu Isore meneda, uni acʼtetʼge ona beṛhaete seṅgel reakʼ pạcriye hoyokʼa ar uni do acʼakʼ ṭhonokte onḍeye tahena.’ ”

Sereńko 121:8

Probhu Isor do din hilokʼe horho jaṅgemea, ńit khon jaejug hạbicʼge.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Rak̕joṅ 4:12

Dhạrtiren rapajko do bako pạtiạukʼkan tahẽkana, Jerusalem reakʼ phaṭok duạrte jãhãe bạiriko bolo daṛeakʼa mente.

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

2 Rapajko 6:17

Ona tayom Elisae doe koekeda, “E Probhu Isor, uniyakʼ mẽtʼ baṛe jhicʼkatae me jemone ńeńel.” Unre Probhu Isor do uni gutiyakʼ mẽtʼe jhicʼketʼaea. Uni doe ńelkeda Elisae beṛhaeteakʼ burure do seṅgel reakʼ rãt gạḍi ar sadomkote perecʼgea.