Sereńko 124:3 - সান্তালী বাইবেল

³ onko do ale upạrteko edre seṅgelkokʼa ar jiwetʼteko utʼkelea,

Sereńko 124:3 Referans Kwoze

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Sereńko 57:3

Serma khon uniyakʼ goṛo do pheḍ hijukʼkana; okoe ińko laga baṛayediń kan onkoakʼ dos reakʼ katha roroṛ do bae thirokʼa. (Sela) Isor ṭhen khon unire asambheṛ dulạṛ ar pạtiạrtetʼ do pheḍ hijukʼa.

Sereńko 35:25

Ar mon monte alom roṛ ocoakoa, “Bhagege! Okaṭakʼle khojkan tahẽkan onage hoyakana.” Onko do alom roṛ ocokoa, “Onko dole marao akatʼkoa mente.”

Sereńko 27:2

Bạṛicʼ hoṛ do ińakʼ jelko joma mente tinreko hecʼ sorokʼa unre iń upạrtenko ar ińren bạiriko doko tohotʼ gurokʼa.

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Kạhtukko 1:12

Onko do jiwetʼ hoṛmowante cetʼleka patal purite, metatʼme ona khạndṛuṅteko pheḍokʼkan, onkage dela, abo do jiwetʼte onko bon utʼgotʼkakoma;

Sereńko 83:4

Onkoko meneda, “Dela, jạtrenko bon marao cabakoa, jemon Israelakʼ ńutum aloko disạ dohoy.”

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Sereńko 74:8

Onko do mone moneteko menkeda, “Onko do bon sumạrkoa.” Isor saõte helmelokʼ reakʼ sanam jaegako onko doko atar giḍi akada.

Ester 3:6

Ar Mordekayakʼ jạt reaṅe baḍaeketʼ khan uni goje do huḍiń bisoegeye metatʼa. Ona bodolte uni do mitʼṭecʼ pontha sendraye ehopʼena jemon Ahasberosakʼ goṭa rajosṭi khon Mordekairen hoṛko, metakʼme Jihudikoe marao cabako.

Jona 1:17

Probhu Isor do Jona ude lạgitʼ mitʼṭen maraṅ okocʼ hakoe ṭhik dohoakade tahẽkana. Ar Jona do uni hakoakʼ lacʼre pe siń pe ńindại tahẽyena.

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana