Sereńko 123:4 - সান্তালী বাইবেল

⁴ Aleakʼ jiwi do nirdandakoakʼ henosta ar bạḍạikoakʼ nihạ̃tkote ạḍitetʼ perecʼ akantalea.

Sereńko 123:4 Referans Kwoze

Sereńko 119:51

Bạḍạiko do ińko landa dhutʼạń kana, menkhan amakʼ hukum khon thoṛa hõ iń do bạń ocokʼakana.

Jobakʼ 12:5

Sukren hoṛ do duk kosṭoko nindạueda; onkoko hudiseda ona do leńjedokʼkan hoṛkoakʼ kana.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

1 Korinthiko 4:13

arko bodnametʼlere hõ mạ̃hir seletʼle roṛ ruạṛako kana; ar ńit hạbicʼ hõ dhạrti reakʼ mạilạ ar sanamko reakʼ jobra lekagele hoyakana.

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Jirimiạ 48:29

“Moab do ạḍi bạḍại hoṛkanae. Abo do uniyakʼ bạḍại reakʼ katha, uniyakʼ eṛeteakʼ, uniyakʼ edre reakʼ ar uniyakʼ phulạukʼ reakʼ katha bon baḍaegea.

Jirimiạ 48:11

“Mitʼ kanḍa khon eṭakʼ kanḍare ạuri dul hạbicʼ cetʼleka bubulakʼ do acʼakʼ gadrege tahen onkage Moab do acʼakʼ huḍiń umer khon khạtirjomae tahenkana; uni do bondi dosare bae sen akana. Onate ona reakʼ sebel do lahate lekage menakʼa, ona reakʼ mońj so do baṅ bodol akana.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 32:9

E nirdạndi tahenkan maejiuko, ińakʼ katha baṛe bataope. E khạtir monan kuṛiko, ińakʼ kathako luturakʼtińpe.

Jobakʼ 16:4

Ape hõ iń leka hoylentape khan enḍekhan iń hõ ape lekań galmarao daṛekea, ape upạrte ạḍi utạr kathakoń roṛkea ar ape ńelte bohokʼ iń rukukea.

Nehemiạ 2:19

Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.

Jirimiạ 48:27

E Moab, Israel do cetʼ amren landa-dhutʼicʼ bae tahẽkana? Uni do cetʼ kombṛoko talareye ńamlena, onate uni reaṅem roṛ pichạ hirkhạte bohokʼem rukuyetʼtama?

1 Samuel 17:42

Uni Philisṭi do Dạud secʼe beṅgetʼ rakapʼketʼ khan uniye chibaṅadea, ente Dạudakʼ umer do komge tahẽkantaea. Ar ńelokʼte uni do ruṅ ruṅ arakʼ ar mońjgeye tahẽkana.