Sereńko 123:3 - সান্তালী বাইবেল

³ E Probhu Isor alere dayakʼme, alere dayakʼme baṛe, ente nihạ̃t ocokʼkante ale do ạḍitetʼgele perecʼ akana.

Sereńko 123:3 Referans Kwoze

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Sereńko 4:1

E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

2 Rapajko 19:3

Onko do Jesaeako metadea, “Hiskiạ do nonkae meneda, teheńakʼ din do gạr, nisṛạu ar opoman reakʼ din kana. Aleakʼ dosa do nonka lekage hoyakantalea je, gidrạkole janamko lạgidokʼ kana menkhan janamko reakʼ daṛe do bạnukʼtalea.

Jobakʼ 19:15

Ińren peṛa ar kạ̃ṛmĩko do iń bako orom akadińạ; onko do bidisiạ hoṛ lekako ńeleńkana.

Rak̕joṅ 3:30

Uni do thapakạnicʼ acʼakʼ johae ạcuraema ar henostateye tuhedokʼma.

Jeheskel 36:6

“Am do Israel disạm upạrte nạbi katha roṛme. Uniyakʼ maraṅ buruko ar huḍiń buruko, khandṛaṅko ar buru-nalakom metakoa, Probhu Isore menetʼkana, ‘ińakʼ dugur dugurokʼ kan edreteń menetʼkana, ente ape do boṅgan hoṛ jạtrenkoakʼ nisṛạupe dipil akada.

Jeheskel 36:15

Jạt jạtrenkoakʼ landa dhutʼicʼ do ar bạń hoyocomea ar onkoakʼ henosta hõ ar bam ańjoma. Am khạtirte amren hoṛko do ar bako tohodokʼa. Iń Probhu Isorge noa katha doń meneda.’ ”