Sereńko 122:9 - সান্তালী বাইবেল

⁹ Aboren Probhu Isorakʼ oṛakʼ do onḍe menakʼte iń do Jerusalem reakʼ bhạlại lạgitʼ iń kurumuṭuiya.

Sereńko 122:9 Referans Kwoze

Nehemiạ 2:10

Israelkoakʼ bhạlại lạgitʼ mitʼṭen hoṛe hecʼakan reakʼ katha ańjomkate Horoni Sanbalat ar Amoni kạmiyạicʼ Tobiạ tekin do bạkin kusilena.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

Johan 2:17

Onate celako do sonot sostorre olakan uniyakʼ noa katha disạ hecʼatʼkoa: Amakʼ oṛakʼ lạgitʼ ińakʼ oka khạndri dulạṛtiń, ona dulạṛge ińakʼ ontor doe jal jalaotińạ.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Sereńko 26:8

E Probhu Isor, am oka oṛakʼrem tahenkan, onḍege amakʼ ṭhonok hõ tahẽnkana, ar ona ṭhạ̃i do ińiń kusiyakʼ kana.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

1 Bõsbudạ 29:3

Noa sonot sekʼwa oṛakʼ lạgitʼ okań jogaṛ dohoakatʼ ona chaḍa hõ ińren Isorakʼ oṛakʼ cetanre ińakʼ dulạṛ udug lạgitʼ ńitokʼ ińakʼ sona ar rupạń emeda.