Sereńko 122:6 - সান্তালী বাইবেল

⁶ Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Sereńko 122:6 Referans Kwoze

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

1 Johan 3:14

Abo do boehako bon dulạṛetʼkote, moron khon jionte bon parom hecʼakana mente bon bujhạu daṛeakʼkana. Ar okoe bako dulạṛkan onko do gocʼko talareko tahenkana.

Ephesiko lạgitʼ Pạul Apostolakʼ ciṭhi 4:3

Ar okaṭakʼ suluke mitʼ ocoakatʼ bon ona suluk hotete sonot Jiu reakʼ midokʼ dohoy lạgitʼ kurumuṭuipe.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

2 Thessalonikiko 3:16

Sulukren Probhu Isor do acʼge sanam okte jotowakʼre suluke dan ape ma. Probhu Isor do ape sanamko tulucʼe tahenma.

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

Nehemiạ 11:2

Okoeko hoṛ do akoakʼ kusileka Jerusalemre girobasokʼ lạgitʼko khojketʼ hoṛko do onkoko sarhaoketʼkoa.

Ester 4:8

Susanre emakʼ Jihudiko maraoko reaṅ okaṭakʼ raj parwana oḍok akan ona reakʼ mitʼṭecʼ nokol do Hathake emadea, jemon uni do Estere udukʼ daṛeae ar onate uniye bujhạu daṛeakʼ. Ar Ester do raj samaṅre senkate acʼren hoṛko lạgitʼe nehõrokʼ.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.