Sereńko 121:5 - সান্তালী বাইবেল

⁵ Probhu Isorge amren rurukhiyạyicʼ; Probhu Isorge amakʼ jojom ti secʼ reakʼ umul do.

Sereńko 121:5 Referans Kwoze

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Exodus 13:21

Probhu Isor do hore udukʼ idiyako lạgitʼ siń do mitʼṭecʼ rimil khunṭire ar ńindạ do marsal emokʼ lạgitʼ seṅgel khunṭire tahẽkate onko laha lahateye calakʼkan tahẽkana. Nonkate onko do siń ar ńindạ jao oktegeko sen daṛeakʼkan tahẽkana.

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.