Sereńko 121:4 - সান্তালী বাইবেল

⁴ Okoe Israelkoe horhoyetʼko uni do bae dudṛuma, ar jạpitʼ hõ bae jạpida.

Sereńko 121:4 Referans Kwoze

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Sosolhayic̕ 8:16

Ạkil ńam lạgitʼ ar dhạrtire oka hoyokʼkan ona bujhạu lạgitʼ iń do tinreń moneyada unreń ńelkeda, mitʼṭen hoṛakʼ mẽtʼ jodi siń ńindạ beṅgetʼge tahentae rehõ uni do siń cando latarre Isor okae ceka akatʼ ona purạte bae bujhạu daṛeakʼa. Ar manwa do ona sendra ńam lạgitʼ joto lekanakʼe kurumuṭulere hõ ona do bae sendra ńam daṛeakʼa. Mitʼṭen ạkilan hoṛ ona doe baḍaegea menteye menlere hõ enhõ uni do purạte ona bae bujhạu daṛeakʼa.

Johan sodor 7:15

Onate noko do Isorakʼ siṅghạson samaṅre menakʼkoa ar serma reakʼ mundilre siń ńindạ uniko sewawae kana. Okoe siṅghạsonreye duṛupʼ akan unige noko cetanreye chạunikʼa.

1 Rapajko 18:27

Tikin okte Eliạ do siṛogate onkoe metatʼkoa, “Ãṭ aṛaṅte hohoaepe, uni doe debota kana. Pasecʼ uni doe ganḍonokʼ kana, hoedaṛeakʼa uni do icʼ joṅe sen akana, hoedaṛeakʼa uni do horre menaea. Hoedaṛeakʼa uni doe jạpitʼ akada, uni do berede hoyokʼtapea.”

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?