Sereńko 12:7 - সান্তালী বাইবেল

⁷ E Probhu Isor, amgem bańcao dohokoa; ar noa piṛhiren hoṛkoakʼ ti khon jaejug hạbicʼ amge onko mimitʼkom rukhiyạkoa.

Sereńko 12:7 Referans Kwoze

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Sereńko 145:20

Okoe Probhu Isorko dulạṛe uni do onko sanamkoe rukhiyạkoa, menkhan sanam bạṛicʼko uni doe ḍahao maraokoa.

Sereńko 121:8

Probhu Isor do din hilokʼe horho jaṅgemea, ńit khon jaejug hạbicʼge.

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Sereńko 37:28

Probhu Isor do dhorom bicạre dulạṛetʼa; ar acʼ botoraekanko do bae bạgi giḍikoa. Uni do jaejug hạbicʼe rukhiyạkoa, menkhan bạṛicʼ bõsrenko doe marao giḍikoa.

Sereńko 16:1

E Isor, rukhiyạyińme, ente iń do amreń hirlạ akana.

Sereńko 10:18

Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Sereńko 18:31

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Sereńko 19:9

Probhu Isorakʼ botor do sapha utạrgea, ona do jaejug hạbicʼ tahenkana. Probhu Isorakʼ ạnko do sạrigea, onare bedhoromakʼ do cetʼge bạnukʼ anaṅ.

Sereńko 119:140

Amakʼ katha do khạṭigea mente sạbud akana, onatege amren golam do onae dulạṛeda.