Sereńko 119:97 - সান্তালী বাইবেল

⁹⁷ Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Sereńko 119:97 Referans Kwoze

Sereńko 1:2

bickom Probhu Isorakʼ ạnrege uniyakʼ rạskạtae do, ar onage uniyakʼ siń ar ńindạ reakʼ dhenkantaea.

Kạhtukko 2:10

ente ạkil do amakʼ ontorre bolokʼa, ar bud do amakʼ jiwiye rạskạ ocoytama.

Sereńko 119:159

Ńelme, amakʼ ạn ạriko do tinạkʼ iń dulạṛeda! E Probhu Isor, amakʼ asambheṛ dulạṛte nãwã daṛe baṛe danạńme.

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

Sereńko 119:48

Amakʼ sanam hukumko cetanre ińakʼ khạndri ahkaokʼ mon do menakʼa, ente onako doń dulạṛeda; ar amakʼ ạnkoń ganḍonjoṅ kana.

Sereńko 119:167

Iń do amakʼ sanam kathakoń senakʼkana ariń dulạṛeda.

Sereńko 119:165

Okoe amakʼ hukumko dulạṛetʼ onko do ạḍi sulukko ńama; ar cetʼte hõ onko do bako tohodokʼa.

Sereńko 119:127

Onate iń do amakʼ sanam hukumko sona khon, khạṭi sona khon hõ bạ̃ṛtiń dulạṛeda.

Dosar Biboron 17:19

Ona do acʼ ṭhengeye dohokakʼa ar jiwetʼ jonom onae paṛhaoa jemon Probhu Isore botoraete ạn-ạri reakʼ kathakoe manao idiy.

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Kạhtukko 18:1

Okoe hoṛ apnarte somaj khon begare tahenkan uni do acʼakʼ sana purạutae lạgitʼe kurumuṭuiya, ar mitʼke mitʼ sạri ạkil tulucʼe jhogṛakʼa.

Sereńko 119:15

Iń do amakʼ ạn ạriko reaṅiń ganḍonokʼ kana, ar amakʼ hor reakʼkoń moneyakʼ kana.

Sereńko 119:47

Amakʼ sanam hukumkoń pańjaere iń doń rạskạkʼ kana, ente onakoń dulạṛeda.