Sereńko 119:96 - সান্তালী বাইবেল

⁹⁶ Ińiń ńelakada jãhãnakʼ reakʼge puruntetʼ do bạnukʼa, menkhan amakʼ hukumko do joto secʼ khonge purungea.

Sereńko 119:96 Referans Kwoze

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Romiko lạgitʼ Pạul Apostolakʼ ciṭhi 7:14

Baḍaegea bon ạn do Jiu reaṅ kana, menkhan iń doń kại gobolren kante kạiren golamiń hoyakana.

Sosolhayic̕ 12:8

Sosolhayicʼe meneda, “Ạuṛiyakʼgea, ạuṛiyakʼgea, jotoge ạuṛiyakʼgea!”

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

1 Samuel 17:8

Ar Goliạt do teṅgokate ãṭ aṛaṅte Israelkoren lạṛhại phạdkoe metatʼkoa, “Lạṛhại lạgitʼ phạdko do cedakʼpe sajao akatʼkoa? Iń do mitʼṭen Philisṭi hoṛ kạnạń ar ape ma eken Sạulren gutikanpe. Ape modkhon mitʼ hoṛ bachaoepe; ar uni do iń ṭhene pheḍ hijukʼma.

1 Samuel 9:2

Kisren do Sạul ńutuman mitʼṭen hopone tahẽkantaea. Uni do juạn ar ńelokʼte ạḍi napae koṛae tahẽkana. Israelko modre uni lekan ńelokʼte mońj do ar okoe hõ bako tahẽkana. Uni do eṭakʼko khon mitʼ phuṭ usule tahẽkana.

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 18:14

Joabe menkeda, “Am tulucʼ somoe do ohoń nosṭo daṛelea.” Ar niạ menkate uni do borlome sapʼtoraketʼte Absalom do kokhareye sobokʼadea. Absalom do unhõ ela darere jiwetʼge aka akane tahẽkana.

2 Samuel 16:23

Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.