Sereńko 119:82 - সান্তালী বাইবেল

⁸² Amakʼ gokʼakʼ purạukʼ reakʼ ńelhor iạte ińakʼ mẽtʼ do nijor idikʼ kantińạ; iń doń meneda, “Tisokʼ ińakʼ jiwi dom raṛejtińạ.”

Sereńko 119:82 Referans Kwoze

Sereńko 69:3

Hoho hohote iń doń laṅga cabayena, ar ińakʼ nạnḍri hõ rohoṛena; ińren Isor lạgitʼ koyokʼ horte ińakʼ mẽtʼ hõ dhund cabayentińạ.

Sereńko 119:123

Amakʼ dhorom khạtirte okaṭakʼem gokʼakatʼ ona purạu lạgitʼ ar amakʼ bańcao ńam reakʼ koyokʼ horte ińakʼ mẽtʼkin do nijor akantińạ.

Kạhtukko 13:12

As akanakʼ purạukʼte bilomokʼ khan ontor do rạpudokʼa,

Sereńko 86:17

Amakʼ bhạlại reakʼ sana menakʼ ona baṛe sạbudme, jemon iń hirkhạwạńko do ona ńelte lajaoko ńam; ente E Probhu Isor, amge ińem goṛoakadińạ ar jiwi raṛecʼem imạńkana.

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jesaea 38:11

Ińiń menleda, “Jiwetʼkoakʼ disạmre Probhu Isor do ar bạń ńelea; niạ purire girobasokʼ kan manwako hõ ar bạń ńelkoa.

Dosar Biboron 28:32

Aperen hopon ar hoponerako do eṭakʼ jạtren hoṛ ṭhenko soprotkoa. Onko lạgitʼ koyokʼ hor iạte apeakʼ mẽtʼ do kãṛãkʼtapea, menkhan jãhãnakʼ cekae reakʼ cetʼ daṛege baṅ tahentapea.