Sereńko 119:72 - সান্তালী বাইবেল

⁷² Amakʼ moca reakʼ hukum iń ṭhen do hajar hajar sona rupạ khon hõ damangea.

Sereńko 119:72 Referans Kwoze

Sereńko 19:10

Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

Sereńko 119:127

Onate iń do amakʼ sanam hukumko sona khon, khạṭi sona khon hõ bạ̃ṛtiń dulạṛeda.

Kạhtukko 16:16

Sona khon ạkil hameṭ joṅ do bhagea! Ar rupạ khon buj bachao joṅ hõ bhagea!

Sereńko 119:162

Lạṛhạire ńamakʼ jiniskote hoṛko cetʼlekako rạskạkʼ, onkage amakʼ gokʼakʼ lạgitʼ iń doń rạskạkʼ kana.

Kạhtukko 8:19

Sona khon hõ, khạṭi sona khon hõ iń emakʼ jo do bhagegea; iń okań emokʼkan ona do bachao akatʼ rupạ khon hõ khạṭigea.

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Sereńko 119:14

Manwa damanakʼ dhone ńam lekhan cetʼlekae rạskạkʼ, onkage amakʼ katha manaote iń doń rạskạkʼ kana.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Kạhtukko 3:13

Bhạgangeae uni hoṛ, okoe do ạkile ńam bakʼṛakan ar buje hameṭ joṅkan,

Sosolhayic̕ 7:11

Ạkil do sompotti ńamakatʼ leka bhage jinis kana; jiwetʼ hoṛko lạgitʼ ona do sorosgea.