Sereńko 119:68 - সান্তালী বাইবেল

⁶⁸ Am dom bhagegea arem bhạlạiyetʼa; amakʼ ạnko baṛe cetʼạńme.

Sereńko 119:68 Referans Kwoze

Sereńko 119:12

E Probhu Isor, am dom bhạgangea. Amakʼ ạnko cetʼạńme baṛe.

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Mathae 19:17

Jisu do uniye metadea, “Bhageakʼ reaṅ do cedakʼem kuliyediń kana? Ente mitʼ goṭengeae bhageicʼ do. Am do jaejug jionte bolokʼem menetʼ khan enḍekhan uniyakʼ sanam hukumko dohoyme.”

Sereńko 107:1

“Probhu Isor sarhaoepe, ente uni doe bhagegea; ar uniyakʼ daya do jaejug hạbicʼ tahenkana.”

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Luk 18:19

Jisu do uniye metadea, “Cedakʼ bhage dom mitạń kana? Isor chaḍa ar okoe hõ bhage do bạnukʼkoa.

Mark 10:18

Jisu do uniye metadea, “Cedakʼ bhage dom mitạńkana? Isor chaḍa ar okoe hõ bhage do bạnukʼkoa.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sereńko 119:26

Ińakʼ jion reakʼ sanamakʼ doń baḍae ocoakatʼmea, ar am do ińem roṛ ruạṛ akadińạ; amakʼ ạnre sikhạuna emạńme;