Sereńko 119:55 - সান্তালী বাইবেল

⁵⁵ E Probhu Isor, iń do amakʼ hukumiń manaoeda, ar ńindạ do amakʼ kathań disạyeda. Ińakʼ heowa do noage je,

Sereńko 119:55 Referans Kwoze

Sereńko 63:6

Aṭetʼre giticʼkate amakʼ katha reakʼ iń ganḍonokʼ kana, ar ńindạ do pohrek pohrekre am reakʼ iń dheneda;

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Sereńko 139:18

Onakoń lekhale khan ona reakʼ lekha do gitilko khon hõ ḍherge hoyokʼa. Iń do tinreń ebhenokʼa unre am ṭhengeń tahenkana.

Johan 15:10

Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:17

Amren nui golam baṛe bhạlạiyeme jemon jiwetʼiń tahen ar amakʼ katha lekań sen daṛeakʼ.

Sereńko 77:6

Ńindạ jokhecʼ ińakʼ sereń reakʼ joto kathako disạ hecʼạńkan tahẽkana; ar iń do ontorreń ganḍonokʼ kan tahẽkana ar mon monteń ḍunḍhạuetʼ tahẽkana.

Sereńko 119:44

Iń do jao ghuṛi amakʼ hukumiń senakʼkana, ar jaejug hạbicʼgeń manao idiya.