Sereńko 119:49 - সান্তালী বাইবেল

⁴⁹ Amren golam ṭhen okaṭakʼem gokʼakatʼ ona baṛe disạime; ona hotetege am do ińem as akadińạ.

Sereńko 119:49 Referans Kwoze

2 Samuel 7:25

“Ńitokʼ do E Probhu Isor, amren guti ar uniyakʼ bõs reaṅ okaṭakʼem gokʼakatʼ ona baṛe jaejug rukhiyạ akae dohoyme. Ar amakʼ gokʼakʼ lekage kạmime.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 106:4

E Probhu Isor, amren hoṛko secʼ dayam udugre iń do alom hiṛińińạ; ar onkom bańcaoko oktere iń secʼ hõ ti tiyạr do alom hiṛińa.

Sereńko 119:81

Am dom rukhiyạyińạ ar ona ńel horte daṛe do komao hijukʼkantińạ; iń do amakʼ katharege asiń dohoakada.

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạpuri as dohoyte koyokʼ hor akae tahenpe.

Sereńko 119:74

Okoe amko botoram onko do iń ńelteko rạskạkʼa, ente amakʼ gokʼakʼreń bhorsa akana.

Sereńko 71:14

Menkhan iń do jaoge amreń bhorsakʼa, ar mitʼtalao geń sarhaomea.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Sereńko 119:147

Ạuri aṅga marsalokʼrege iń do beretʼkate goṛo ńam lạgitʼ iń rakʼeda; amakʼ gokʼakʼ cetanreń bhorsakʼ kana.

Sereńko 119:43

Amakʼ sạriyakʼ reakʼ katha ińakʼ moca khon alogem rejeńa, ente amakʼ ạn ạriko cetanrege iń doń as akana.

Sereńko 105:2

Uni lạgitʼ sereńpe ar unige sarhaoepe; ar uniyakʼ sanam hahaṛa kạmi reakʼ katha lại jạhirpe.

Jobakʼ 7:7

“E Isor, ińakʼ jiwi baṛe disạitiń me noa do mitʼṭecʼ sahẽtʼ chaḍa ar cetʼge baṅkana; iń do suk reakʼ ar bạń ńel ńama.

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

Genesis 32:9

Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.