Sereńko 119:45 - সান্তালী বাইবেল

⁴⁵ Iń do begor tạkicʼtege jioniń khemaoa, ente amakʼ ạn ạrikoń uihạreda.

Sereńko 119:45 Referans Kwoze

Sereńko 119:133

Amakʼ katha leka ṭhik horte calakʼ lạgitʼ am do ińakʼ jaṅgam kajaketʼtińạ; jãhãn behokakʼ jemon ińre aloe raj daṛeakʼ.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Kạhtukko 4:12

Onate amakʼ taṛam horre bam kucitokʼa, ar ńir senokʼre hõ bam tohodokʼa.

Sereńko 119:94

Rukhiyạyińme baṛe, ente iń doń amren kangea; ar amakʼ ạn ạriko secʼ iń mone akawada.

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

2 Patras 2:19

Onko eṛe cecetʼko do onko hoṛko sạdhinokʼ reakʼko gokʼako kangea, menkhan ako do bạṛicʼ kạmire golam akanko tahenkana; ente jãhãe jãhãnakʼreye bhagao ocolen khan uni do onaren golame hoyokʼa.

Jakob 2:12

Okaṭakʼ ạn do manwa sạdhine dan akokan ar ona ạn hotete okoekoakʼ bicạr hoyokʼ, onko lekage katha roṛpe ar beoharpe;

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhu Isorakʼ sana cetʼ kana mente ona bujhạu joṅpe.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Sosolhayic̕ 1:13

Serma latarre okako cekae hoyokʼ ona do ạkil hotete biḍạu ar ḍunḍhạu lạgitʼ iń mone murukleda. Ariń ńelkeda, Isor do manwako cetanre tinạkʼ duke lade akatʼkoa!

Kạhtukko 18:1

Okoe hoṛ apnarte somaj khon begare tahenkan uni do acʼakʼ sana purạutae lạgitʼe kurumuṭuiya, ar mitʼke mitʼ sạri ạkil tulucʼe jhogṛakʼa.

Sereńko 119:162

Lạṛhạire ńamakʼ jiniskote hoṛko cetʼlekako rạskạkʼ, onkage amakʼ gokʼakʼ lạgitʼ iń doń rạskạkʼ kana.

Sereńko 119:148

Ńindạ ạuri cabakʼrege ińakʼ mẽtʼ do beṅgedokʼ kana, jemon amakʼ sanam gokʼakʼkoń ganḍon daṛeakʼa.

Sereńko 119:19

Iń do dhạrtire girobas akan mitʼṭen porjạt hoṛ kạnạń; amakʼ hukum do iń khon alom danaṅ dohokakʼa.

Sereńko 119:71

Okaṭakʼ kosṭoń ńamakatʼ ona do iń lạgitʼ bhagege hoyakana; onate iń do amakʼ ạnkoń cetʼ daṛe akawada.

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.